Индустрия және құрылыс вице-министрі Қуандық Қажкенов Үкімет отырысында құрылыс саласын цифрлық трансформациялау бойынша атқарылып жатқан жұмыстар туралы баяндады.
Оның айтуынша, министрлік құрылыс саласында барлық жұмыс кезеңдерін: жоспарлау, жобалау және нысанның құрылысы барысын қамтитын Бірыңғай портал құруда.
Порталда “бір терезе” қағидаты бойынша қажетті қызметтерді алу кезінде салалық жүйелерге үздіксіз өту мүмкіндігі қамтамасыз етіледі.
«Қазіргі таңда жүйе 89 қаланың қала құрылысы жобаларын және инженерлік инфрақұрылымның 92,4%-ын қамтиды. Қала құрылысы қызметінің ашықтығын қамтамасыз ету және қала құрылысы жобаларын әзірлеу мен іске асырудың сәйкестігін бақылау мақсатында нысанның бірегей нөмірін енгізу қарастырылған. Бұл біріздендіру жобаның басталуынан бастап пайдалануға берілгенге дейін құжаттардың мақсатты талаптарға сәйкестігін сквозной тексеруге мүмкіндік береді», — деді Қуандық Қажкенов.
Сондай-ақ, құрылыс барысын мониторингтеу аясында министрлік бас жоспарлар мен егжей-тегжейлі жоспарлау жобаларын жүзеге асыруды бақылау үшін жасанды интеллект қолданатын постбақылау технологиясын пилоттық режимде енгізуді жоспарлап отыр.
Жобаның мәні — елді мекен аумағын әуеден шолу арқылы компьютерлік көру технологиясын қолдану. Алынған мәліметтер жүйеде цифрлық жоспарлау жобасымен және бас жоспармен салыстырылады. Егер бекітілген қала құрылысы жобаларынан ауытқулар анықталса, жүйе мемлекеттік сәулет-құрылыс бақылау органдарына тиісті шаралар қабылдау үшін автоматты түрде хабарлама жібереді.
Цифрландырудың келесі маңызды бағыты — құрылыс кезеңі. Құрылыс барысын цифрландыру үшін барлық қатысушыларға арналған бірыңғай цифрлық алаң — E-Qurylys әзірленген.
E-Qurylys жүйесінде келесі функциялар қамтылған:
- Орындаушы-техникалық құжаттаманы жүргізу;
- Техникалық қадағалау есептілігі;
- Алдын ала бақылау;
- Біліктілік талаптарына сәйкестікті тексеру;
- Инженерлік-техникалық қызметкерлердің, сарапшылардың және рұқсаттардың реестрін жүргізу.
Аталған жүйені қолдану бюджет қаражаты және квазимемлекеттік сектор есебінен жүзеге асырылатын нысандар үшін міндетті болып табылады.
Antes de elegir entre camisetas de selecciones de manga larga, merece la pena comprobar el tipo de manga, el grosor del tejido y la ventilación. Como comprobación final, conviene asegurarse de las recomendaciones de lavado y secado del material.
