Цифрлық даму, инновациялар және аэроғарыш өнеркәсібі министрі Жаслан Мәдиев Үкімет отырысында 2024 жылы мемлекеттік қызмет көрсету саласындағы ағымдағы нәтижелер туралы баяндады. Ағымдағы жылы 44 миллионнан астам мемлекеттік қызмет көрсетілді. Министрдің айтуынша, маңызды жетістіктердің бірі – цифрлық құжаттарды енгізу.
«Азаматтар цифрлық құжаттардың негізінде физикалық құжаттарсыз-ақ ел ішінде ұшақтармен, пойыздармен еркін жүре алады. Биыл бұл қызмет 200 миллионнан астам рет көрсетілді», – деді Мәдиев.
Тағы бір мысал – онлайн нотариус. Азаматтар Қазақстаннан тыс жерде болса да, онлайн қызмет ала алады. Мұндай қызметтер саны 175 мыңнан астам рет көрсетілген.
Жаслан Мәдиев проактивті қызметтерді енгізудің маңыздылығын атап өтті, бұл қызметтер азаматтарға ешқандай өтінішсіз, автоматты түрде ұсынылады. Министр сондай-ақ әлеуметтік әмиянды енгізу туралы айтып берді, ол мекенжайлық әлеуметтік көмек көрсетудің құралына айналды.
«Мемлекет басшысының тапсырмасы бойынша біз екі негізгі қызметтен бастадық: оқушыларға тегін ыстық тамақ және тегін дәрі-дәрмекпен қамтамасыз ету», – деді Мәдиев.
Бүгінгі таңда 703 мыңнан астам оқушы тегін ыстық тамақпен қамтылып, 2 мыңнан астам мектепті қамтыды. Барлық мемлекеттік дәріханалар жүйеге толық қосылды, 1,5 миллионнан астам рецепт берілді.
Una comparación útil de camiseta visitante de fútbol comienza por los colores y elementos propios de cada versión. Antes de pagar, es útil verificar que la ficha identifique claramente la versión elegida.
