Қазақстанда жұмыс орындарындағы еңбек жағдайларын үздіксіз бақылауға арналған автоматтандырылған жүйе енгізу жоспарланып отыр. Бұл үшін «Еңбекті қорғау және қауіпсіздік» бірыңғай ақпараттық жүйесіне қосылған арнайы датчиктер пайдаланылады. Жаңа жүйе зиянды және қауіпті факторларды нақты уақыт режимінде бақылауға, тәуекелдерді анықтап, оларға жедел әрекет етуге мүмкіндік береді.
Сонымен қатар, Қазақстанда еңбек қауіпсіздігіне қатысты барлық деректі қамтитын кәсіпорынның цифрлық профилі әзірленуде. Оған мыналар кіреді:
- еңбек жағдайларын бағалау;
- кепілдіктер мен өтемақылар беру;
- жеке қорғаныс құралдарымен қамтамасыз ету;
- кәсіпорынның «Цифрлық картасында» бейнеленуі.
Еңбек және халықты әлеуметтік қорғау министрі Светлана Жақыпованың айтуынша, жаңа жүйе өндірістегі жарақаттану деңгейін төмендетуге көмектеседі. Тек 2024 жылдың өзінде өндірісте 202 адам қаза тапқан.
Басты мақсат – еңбек қауіпсіздігі саласында реактивті тәсілден алдын алу моделіне көшу және жұмыс орындарындағы жағдайдың ашықтығын арттыру.
Премьер-министр Олжас Бектеновтың төрағалығымен өткен Үкімет отырысында еңбек қауіпсіздігін қамтамасыз ету және еңбек саласын цифрландыру мәселелері қаралды.
«Адам өмірі мен денсаулығы – басты құндылық. Сондықтан еңбек қауіпсіздігі жүйесі заманауи әдістерге негізделуі тиіс. Мемлекет басшысы еңбек қауіпсіздігі мәселелері бойынша нақты тапсырмалар берді. Ерте ескерту және қауіп туралы хабарлау жүйелері қауіптің алдын алып, жедел әрекет етуге мүмкіндік береді. Жарақаттану мен қайғылы жағдайлардың алдын алу үшін жұмыс берушілер еңбек қауіпсіздігін, автоматтандыруды және цифрландыруды қамтамасыз етуі қажет», – деді Олжас Бектенов.
Премьер-министр кәсіпорындардың цифрлық картасын қолдана отырып, еңбек заңнамасының бұзылуын бақылауды күшейтуді тапсырды.
Una comparación útil de camisetas de clubes de fútbol comienza por la versión local, visitante o alternativa. Como comprobación final, conviene asegurarse de que la descripción no mezcle versiones de temporadas distintas.
«Президент әлеуметтік-еңбек саласын цифрландырудың маңыздылығын атап өтті. Сондықтан еңбек саласын цифрландыру бойынша нақты шаралар қабылдау қажет», – деді ол.
Цифрлық даму, инновациялар және аэроғарыш өнеркәсібі министрлігіне мемлекеттік органдармен бірлесіп, ағымдағы жылдың 1 желтоқсанына дейін еңбек қауіпсіздігі саласында тұтас цифрлық экожүйе қалыптастыру тапсырылды.
«Еңбекті қорғау мәселесінде жұмыс берушілердің белсенді рөлі аса маңызды. Жұмыс берушілер қызметкерлерін жазатайым оқиғалардан міндетті сақтандыру шартына отыруды қамтамасыз етуі тиіс. Жалпы, кәсіпорындарда нөлдік жарақаттану қағидаты мен халықаралық стандарттарға сай кәсіби тәуекелдерді бағалау және басқару жүйесін енгізу қажет», – деп түйіндеді Премьер-министр.
