Енді қазақстандықтар өз мобильді құрылғыларының верификация статусын eGov Mobile мобильді қосымшасы, www.gov.kz және imei.rfs.gov.kz порталдары арқылы өз бетінше тексере алады. Жаңа сервис IMEI-кодтың тіркелген құрылғылардың бірыңғай дерекқорында (БДИК) бар-жоғын және белгілі бір құрылғыға тіркелген нөмірлердің санын анықтауға мүмкіндік береді.
IMEI (International Mobile Equipment Identity) — бұл ұялы байланыс қолдайтын әр мобильді құрылғыға берілетін бірегей нөмір. Ол өндіруші, модель және құрылғының құрастырылған жері туралы ақпаратты қамтиды және 15 цифрдан тұрады.
Сервис пайдаланушыларға құрылғының IMEI-кодын тексеруге мүмкіндік береді. Егер IMEI тіркелген құрылғылардың дерекқорында болса, жүйе қолданушыға оның желіде тіркелгені туралы хабарлайды. Егер нөмір дерекқорда болмаса, жүйе тексеру жүргізіп, келесі нәтижелердің бірін көрсетеді: IMEI сәтті верификацияланған және Қазақстан Республикасында қолдануға рұқсат етілген немесе IMEI верификацияланбаған.
eGov Mobile қосымшасы арқылы қызметті пайдалану үшін:
● eGov Mobile қосымшасына авторизациядан өту қажет;
● басты беттегі «Танымал қызметтер» бөлімінен «Абоненттік құрылғының IMEI кодын тексеру» сервисін таңдау керек;
● жеке деректерге қол жеткізуге рұқсат беру қажет;
● тексерудің қолжетімді әдістерінің бірін таңдап, нәтижемен танысу керек.
www.gov.kz порталында қызметті пайдалану үшін:
● Қазақстан Республикасының Цифрлық даму, инновациялар және аэроғарыш өнеркәсібі министрлігінің сайтына өту керек;
● «Абоненттік құрылғының IMEI кодын тексеру» сервисіне апаратын баннер/сілтемеге өту қажет;
● тексерудің қолжетімді әдістерінің бірін таңдап, нәтижені көру керек.
imei.rfs.gov.kz порталында қызметті пайдалану үшін:
● rfs.gov.kz сайтына өту қажет;
● тексерудің қолжетімді әдістерінің бірін таңдап, нәтижемен танысу қажет.
Сонымен қатар, пайдаланушылар үшін өз ЖСН-іне тіркелген мобильді нөмірлерді білуге мүмкіндік беретін ЖСН бойынша тексеру функциясы қолжетімді. Сондай-ақ, белгілі бір құрылғыны пайдаланатын абоненттік нөмірлердің санын көрсететін IMEI-код бойынша абонентті тексеру сервисі де бар.
Al considerar qué detalles valorar en una camiseta versión jugador, la decisión resulta más sencilla cuando se confirma la construcción del escudo y otros acabados. El pedido puede cerrarse después de confirmar las instrucciones de cuidado del tejido y los estampados.
