Қазақстанда қалаларда бірыңғай әрі қауіпсіз интернетке қолжетімділікті қамтамасыз ететін ұлттық Wi-Fi операторын құру жоспарланып отыр. Бұл туралы Үкімет отырысында хабарланды.
Жоба әлеуметтік маңызы бар нысандарда желі орнатуды көздейді. Қолжетімді Wi-Fi шекара бекеттерінде, әуежайларда, теміржол және автовокзалдарда, сондай-ақ мектептер мен медициналық мекемелерде пайда болады.
«Біз қалыптастырып жатқан инфрақұрылым жасанды интеллектке негізделген цифрлық сервистер мен шешімдерді дамытуға арналған платформаға айналады. Бұл Қазақстанның AI-экономика құру бағытын қолдайды», — деді «Freedom Telecom Operations» компаниясының басшысы Қайрат Ахметов.
Бірінші кезеңде жоба 10 қаладағы 400 нысанды қамтиды. 2026 жылға қарай желіні 10 мың, ал 2027 жылға дейін 20 мың қолжетімді нүктеге дейін кеңейту жоспарлануда.
